Svaki početek već je i kraj

tri koraka napred,četri nazaj,

a kad odrasteš utvaraš si tad

kak navek buš ostel spameten i mlad.

 

Kad jednog dana, o kakve bruke

postale jesu prekratke ti ruke

ak očeš čitat oči ti fale

i furt po hiži iščeš očale.

 

Tak fino polako počne skleroza

najpre vu zubima paredontoza

pak onda uz muke i tešku vezu

od socijalnoga dobiš protezu.

 

Na glavi polahko kosa opada

al zato ti rasteju brki i brada

na kraju nekaj zaštopa ti vuha

niš nikog ne razmeš, čiste si gluha.

 

Celi dan iščeš kuda kaj deneš

jer sve pozabiš čim se pkreneš

ni noge te više ne nose kak predi

pomažeš si batinom, al kaj ti to vredi.

 

V kolenu škripi kak da je hrđa

a kičma ti bude se trđa i trđa

ruke ti drhčeju, noge otiču

po stokrat pričaš baš istu priču.

 

V križima išijas, vu kuku artritis

v črevima sračka - veliju kolitis

pljuča ti sviraju kakti trubente

trbuh ti raste kak da nosiš dete,

koža ti gruba kak šmirgl papir

po licu bore kak da si vampir.

 

Kaj seksa se tiče i tu smo slabi

vu tih se letih to opće ne rabi

nigdo za tobom se ne bu okrenul

 a gdo se okrene - bormeš je skrenul.

 

Škodi ti slano , nemreš jest masno

svi te špotaju ak prdneš glasno,

i zato su zmisili te staračke hiže,

da starost mladima tlaka ne diže.

 

Autor: meni nepoznat