Ka berekin igra se vitar
Bjankarijon ča na žici visi
Sidin i gledan
Ni volje za maknit ni prst na ruki
Ništo me teško ka matun stišće
Ne znan reč ča je
Al sto kila ima
Najlipje za me je da me nima
Svaki me reful od zid rebati
Ča san ja kriva da mi je znati
Da baca me tako ka prazni potić
Neće me više lipo ću otić
Da otić
A nisan se makla već dobre tri ure
Ka da me teška debuleca vata
Neće me maknit nevere ni bure
Davno san ja zatvorila vrata
Vitar mi dođe divertiment veli
U ovon mistu beštima i buža
Ajde se makni viče mi ćaća
Pariš mi tu ka nika maća
E neću
bglavac
edin.kecanovic
