Kolpomorto me čapa

kalat se ne da

ka kolon se zalipi

more mi kočeta

i kušin.

 

Sinjal san nemirni

vele kruge radin

od straja

od muke

mokra mi je maja

a vlasi ka špagi.

 

Krešit će more

ura mu se bliži

probit će lazu

ti vali plavi

e da mi je život

razvuč ka laštik

pa prisić

odletit. 

Šuštine na buštini

iz vrimena slutnji

bulin i butarga

riči ča san čula

glavon mi se mota

vas moj život cili

sve ću izgubit

bez punta ostat.

 

Ako prođen lišo

posut ću se lugon

i lumin zapalit. 

Dištakaj me more

od ovog piza 

durat ne moren.