Japa

 

Duhi ne spiju, čuh jednog vu  pol noći

-          Olovku v ruke i zapiši,

ne stenji furt o lubavi

jenu morbidnu pesem sroči

zdrmaj taj mozak ubavi…

 

Japa zdehavle, smrtna zvoni vura,

Sineki i snahe klečiju, družina čaka…

-          Vele… zdehavle japa

-          Kaj veliju japa?
Velečasnog morti išće…

 

Presvetli je došel, kak se šika,

Ispovedat treba, japa još diše.

-          Vele… zdehavle japa

-          Tu sem, mam prišel…

-          Vele… zdehavle japa
nis zval svečenika…
Ja neidem v raj!
Znate zakaj?
Uprav ga napuštam,
sem angeleka videl…

-          Taj se norec zmenom nahitavlje
Luteran bu v peklu završil…

-          Vele… zdehavle japa

-          Kaj sad japa hočeju povedat…

-          Vele… zdehavle japa
da nema pakla, svi vrazi su tu!

-          Japa je počel zanovetat…

-          Vele… zdehavle japa

-          Kaj sad japa hoćeju

-          Vele mi nosnice da se štrukli peku
Sineki, same da me zadnja želja mine…

Jeden sinek ode i vrati se praznih ruku

-          Japa, mamice štrukle ne daju
to je za goste v jutre, imame karmine
veliju da japi to ne bu trebalo vu raju

Tišina. I vura je stala. Morti

Je vura deseta ili jena

Gdo zna, kukavica ne kuka nulu.

Ob koncu se čuje japin glas:

 

-          Škornji su za starejšega,
Kaput za mlađeg…

                          ..bo vas pas

 

Iz hiže stare v nebe ode

umorna japina sjena…

 

k. 24,1. 2014.