Gliboki trogi

 

Letijo leta kak da so jim zrosla krila

nebreš jih vloviti niti od očij skriti.

Dok preletijo gliboke troge ostovijo.

Telo se vija, kolene škriplejo,

roke se steplejo, losi se belijo

kak snegom zavejani.

Spodoba - kak starica f samoči zgublena,

dojde ti pred lice.

Ne znoš jel se f špigel glediš,

il se špigel vute zagledal

kaj bi ti povedal da leta zapraf imajo krila.

Još te samo jutrena svetlina more rasvetliti

zbuditi misel na zeleno zipko podrovsko

na ljude kojam si se veselil i dore delil

radi kojih si se žalostil, kojam si grehe oprostil.

 

Kaj bi ve moglo rokam tvojam snago dati

kaj bi une dale štele lice ti hmivati,

nalegano kožo f kojoj se frčejo trogi gliboki

f boršon zamotati il poskrivečki pokrivati.

 

Kaj bi moglo vute troge tvojo misel deti

da od sega kaj je ostalo - kak god bilo malo,

naprovi lepo, veselo sliko živlenja?

 

                                                    Ankica Bistrović

( Iz Zbornika “ Su senje zbilam potrošene”, Zelina 2016.)