Abažur na svići
Od dricane karte
Učini je žive
Slike njenih sanja
Ča na zidu plešu
Kad utrne svitlost danja
Afetana srićon ositila nije
Da vrime je kalalo
Lipotu sa lica
Otišla su dica
U kamari smija nima
Ni kalceta ni na podu
A znala je sve po odu
Kad su dvoron arivali
Na taraci tužna sidi
Kapelin je sunca brani
U kantunu kain stari
Kantinela s krova visi
Vitar kartu kalon gura
Otkucava stara ura
Nima priše koga briga
Ča će sutra donit vrime
Je li se je meštral diga
Ča će more činit s njime
Oćel plima il oseka
Bavul veli život čuva
U njem biljac i cavate
Dar od none ča je nima
Kosti bolu priti zima
Koga briga ča će sutra
Goril komin ili se gasi
Posidile njene vlasi
Nikog nima
bglavac
edin.kecanovic
