Dragi moj sine Štef,

       Evo bum ti ovo napisala da znaš da sam živa. Pišem ti polako, jer znam da ti ne mreš brzo čitati.

       Ne buš prepoznal hižu kad dojdeš, jer smo se preselili. Adresu ti još ne mrem poslati jer su bivši stanari odnesli brojeve vu svoju novu hižu da ne buju morali svoje adrese menjati. Nova hižica ima odličnu perilicu, ali ne radi dobro. Jučer sam stavila oprati japine dve košulje i onaj zeleni šorc, povukla lanac i robe više nikam ni!

       Japa su dobili odličan novi posel. Imaju pod sebom 500 ljudi. Oni su sad grobar tu v selu. I kad to velim, da znaš da smo konačno pokopali stričeka Jožu. Vu selidbi smo ga pronašli vu ormaru kam se je bil skril još onega Božiča kad nas je pobedil na skrivača.

       Danas je rodila tvoja sestra, ali kak još ne znamo jel sin ili kčer, ne mrem ti povedati dal si ujak il ujna.

       Kaj ti bum još povedala? Sečaš se stričeka Blaža? Onog kaj se je navek falil da je brži od susedova bika? Je, sad znamo da ni.

       Prošli tjedan se utopil tvoj kum vu kaci s rakijom. Više njih ga je pokušalo spasiti, ali on se ni dal. Tri dana su vatru gasli kad smo ga kremirali.

       A ujna Ruža? Njoj je prav sve suprotno neg meni. Ona kad pije kavu, ne mre spavati, a ja kad spim, ne mrem piti kavu. Nego furt sam zabrinuta za tvog peseka Bobbyja, kaj ne dela niš drugo več ganja zaustavlene aute i tak mu je preveč dosadno.

       Inače, kod naš su proizvođači konzervi promenili natpis na kutijama sardina. Sad veli "povuci za otvoriti", a ne kak je prije pisalo "otvoriti ovdje", pa smo ih uvek morali otvarati u samoposluzi i do kuće bi se sve prolilo.

       Neki dan kad smo šli vu onaj Getro kaj su ga otvorili vu našeme selu, je bilo nestalo struje baš kad smo se vozili na pokretnim stepenicama. Tri sata smo čekali da se buju opet pokrenule. A ondak je tvoj sestrić Matjaž zatvoril izvana vrata od avuta i ostavil kluče vnutri, pa smo svi kaj
       smo bili v avutu morali čekati još dve vure dok je on išel kući po rezervne klučeve.

       Jako nam fališ, a naročito od kak si otišel. Moraš nam pisati kak ti ide sa tvojom novom curom stranjkinjom. Ne mreš si zamisliti kak smo se svi obradovali kad si nam ono rekel da si vu krevetu sa tom Hepatitisom. Kaj je ona morti iz Grčke?

       Ovo ti pismo bum poslala po Matjažu, kaj sutra putuje vu Zagreb. Kaj bi ga mogel dočekati na kolodvoru? Ak buš videl strinu Maru, lepo je pozdravi a ak je ne buš videl, nemoj ju pozdraviti.

       Voli te tvoja mama,

       Jožica

       P.S. Htela sam ti poslati sto kuna v pismu, ali sam več zalepla kuvertu